အလုပ်သမားအခွင့်အရေး ရောင်းရန်မဟုတ် ။
 | In partnership with BWI (Building and Wood Workers' International), a global union federation that brings together 361 free and democratic unions, representing a total of 12 million members in the Building, Building Materials, Wood, Forestry, and Allied sectors across 115 countries. BWI's core mission is to safeguard and promote workers' rights while enhancing working and living conditions, asserting that trade union rights are inherently human rights, rooted in principles of equality, solidarity, and democracy. |
စစ်အာဏာရှင်စနစ်အုပ်ချုပ်မှုစနစ်အောက် ကျရောက်နေသော မြန်မာနိုင်ငံတွင် သစ်တောအုပ်ထိန်းမှုကောင်စီ (FSC) သည် သစ်တောကွင်းဆက်တစ်ခုလုံးကို ထိန်းသိမ်းသည့် အသိအမှတ်ပြုလက်မှတ်ထုတ်ပေးခြင်းကို မဆင်မခြင်၊ မရိုးဖြောင့်စွာ ဆုံးဖြတ်ချက် ချမှတ်လျှက် ထုတ်ပေးလျှက်ရှိပြီး FSC အသိအမှတ်ပြုလက်မှတ် ထုတ်ပေးခြင်း စနစ်များကိုလည်း ပံ့ပိုးကူညီပေးလျှက်ရှိသည်။ ထိုသို့လုပ်ဆောင်နေမှုများအား ချက်ချင်းရပ်တန့်ပေးရန် နှင့် အသိအမှတ်ပြုလက်မှတ်များကို မှားယွင်းစွာ ထုတ်ပေးနေခြင်းကို ပြန်၍ရုပ်သိမ်းပေးရန် တောင်းဆိုရာတွင် အပြည်ပြည်ဆိုင်ရာ ဆောက်လုပ်ရေးနှင့်သစ်လုပ်ငန်းအလုပ်သမားသမဂ္ဂများအဖွဲ့ချုပ် (BWI) နှင့် Labour Start တို့နှင့် ပူးပေါင်းပါရန် သင့်အား အလျှင်အမြန်တောင်းဆိုအပ်ပါသည်။
စစ်အုပ်စုက အလုပ်သမားသမဂ္ဂအဖွဲ့ဝင်များ၊ အလုပ်သမားအရေးတက်ကြွလှုပ်ရှားသူများ ၄၀၀ ခန့် အပါအဝင် အတိုက်အခံ ၂၆,၀၀၀ ကျော်ကို ဖမ်းဆီးပြီး မြန်မာနိုင်ငံ အလုပ်သမားသမဂ္ဂများ အဖွဲ့ချုပ် (CTUM) မှ ခုနစ်ဦး အပါအဝင် အပစ်မဲ့ပြည်သူများကို ကြေကွဲဖွယ်ရာ သတ်ဖြတ်နေသော်လည်း FSC အပြည်ပြည်ဆိုင်ရာ ဘုတ်အဖွဲ့နှင့် ၎င်း၏ အတွင်းရေးမှူးရုံးတို့က အသိအမှတ်ပြုလက်မှတ် ဆက်လက်ထားရှိရန် ရွေးချယ်ခဲ့ခြင်း ဖြစ်သည်။ မြန်မာနိုင်ငံတွင် လွတ်လပ်၍ ဒီမိုကရေစီနည်းကျသော အလုပ်သမားသမဂ္ဂ လှုပ်ရှားမှုတွေကို ဆန့်ကျင်သည့် ရက်စက်ကြမ်းကြုတ်သော အကြမ်းဖက်စစ်အုပ်စု၏ လုပ်ရပ်များကို ILO စုံစမ်းရေးကော်မရှင်၏ အစီရင်ခံစာတွင် အကျယ်တဝင့် မှတ်တမ်းတင် အတည်ပြုထားပါတယ်။ အဆိုပါ ရက်စက်ကြမ်းကြုတ်မှုများကြောင့် FSC ၏ ဆုံးဖြတ်ချက်ကို ဆက်လက်အသိအမှတ်ပြုရန် ဆုံးဖြတ်ချက်သည် အဓိပ္ပါယ်မဲ့ရုံသာမက တာဝန်မဲ့ပါသည်။
စစ်အာဏာရှင်များ၏ ဖိနှိပ်မှုကို ရင်ဆိုင်နေရသည့် အချိန်တွင် FSC က ၎င်း၏ အောင်လက်မှတ်စနစ် (အသိအမှတ်ပြုလက်မှတ်စနစ်) ကို ချက်ခြင်းရပ်ပစ်ဖို့ တောင်းဆိုသည့် အနေနှင့် မြန်မာနိုင်ငံက အလုပ်သမားများနဲ့ အလုပ်သမားသမဂ္ဂများနဲ့ မယိမ်းမယိုင် စည်းလုံးညီညွတ်စွာ ရပ်တည်ပေးဖို့ တောင်းဆိုအပ်ပါသည် ။ အလုပ်သမားများ၏ ရပိုင်ခွင့် အခွင့်အရေးများသည် ရောင်းရန်မဟုတ်သည့်အပြင် တရားမျှတမှုနှင့် မျှတသောဆက်ဆံမှုများအတွက် စည်းလုံးညီညွတ်စွာဖြင့် ဤတောင်းဆိုမှုတွင် ပါဝင်ရန် အရေးကြီးပါသည်။
